.png)
Deddf Hawliau Cyflogaeth 2025: Cyflogwyr yn pryderu am amddiffyniadau newydd rhag diswyddo annheg
Mae Acas, yr arbenigwr ar y gweithle, wedi cynnal ymchwil i ganfod pa newidiadau yn Neddf Hawliau Cyflogaeth 2025 yw’r rhai anoddaf i fusnesau eu mabwysiadu.
Mae bron i 1 o bob 3 chyflogwr wedi dweud bod y diogelwch newydd rhag diswyddo annheg yn un o’u prif bryderon.
Bydd amddiffyniad rhag diswyddo annheg yn dod yn hawl ar ôl 6 mis mewn swydd o 1 Ionawr 2027 ymlaen. Mae hyn yn lleihau’r cyfnod cymhwyso presennol o ddwy flynedd.
Bydd y terfyn ar iawndal am ddiswyddo annheg hefyd yn cael ei ddileu.
Gall y newidiadau effeithio ar y ffordd y mae cyflogwyr yn ymdrin â chyfnodau prawf, gyda rhai yn ystyried lleihau’r cyfnod i lai na 6 mis cyn i’r gyfraith newid. Dylid cofio, fodd bynnag, fod gan weithwyr amddiffyniadau o hyd yn ystod cyfnod prawf, gan gynnwys gwahaniaethu, chwythu’r chwiban, a thorri contract.
Mae Acas yn cynghori bod angen ystyried cyfnodau prawf yn ofalus, ac maent wedi diweddaru eu advice i adlewyrchu’r newidiadau sydd ar y gweill i ddiswyddiadau annheg.
Dywedodd y Farwnes Maggie Jones, Cadeirydd Acas: “Y diwygiadau yn y Ddeddf Hawliau Cyflogaeth yw’r ysgytwad mwyaf i gyfraith cyflogaeth ers cenhedlaeth, ac mae’n hanfodol bod cyflogwyr yn ymgyfarwyddo â hwy’n gyflym.”
Mae Llywodraeth y DU wedi datgelu ei hymateb cynhwysfawr i’r ymgynghoriad ar gyflwyno mesuryddion clyfar ar ôl 2025 ar gyfer safleoedd annomestig.
Mae Tŷ’r Cwmnïau wedi newid ei broses mewngofnodi ac o fis Rhagfyr ymlaen rhaid gwneud gwrthwynebiadau i gwmni cyfyngedig gael ei ddileu o’r gofrestr drwy ei wasanaeth ar-lein ‘Gwneud gwrthwynebiad’.
Mae Davies Lewis Baker Limited yn gwmni sydd wedi'i gofrestru yng Nghymru a Lloegr. Rhif y cwmni: 11546737
Wedi'i gofrestru fel archwilwyr a'u rheoleiddio ar gyfer ystod o weithgareddau busnes buddsoddi yn y Deyrnas Unedig gan Gymdeithas y Cyfrifwyr Ardystiedig Siartredig